އަލްބާރޓް ބަންޑޫރާގެ ނަޒަރިއްޔާތު
ބަންޑޫރާ ދެކޭ
ގޮތުގައި ކަންކަން ދަސްކުރަނީ ބަލައިގެން، ނަކަލު ކޮށްގެން، އެހެން މީހުންގެ
އެފަދަ ތަޖުރިބާތައް އަޑުއަހައިގެން، ދެނެގަނެވިގެން، ފެނިގެން ފަދަ ގޮތްގޮތަށެވެ.
މިސާލަކަށް އަޅުގަނޑުމެންގެ މާހައުލަށް ބަލާއިރު ގެއެއްގައި އުޅޭކުދިންގެ
ތެރޭގައިވެސް މިފަދަ ބައެއް ކަންކަމުން ސުލޫކަށް އަސަރުކުރުވައެވެ. ބެބެމެން
ދައްތަމެން ރަނގަޅު ނަތީޖާއެއް ހޯދުމުން އިނާމުތަކާއި ބާއްވާ ކުދިކުދި ޕާރޓީތަކާއި އެއްވުންތައް ފެނި ހަގަށް ތިބޭ ކުދިންވެސް އެކަން
ހޯދުމަށް ޝައުޤުވެރިވެގެން ގަދަ އަޅާ މަސައްކަތްކުރާކަން ފާހަގަކުރެވެއެވެ.
މޯޓިވޭޝަން ތިއަރީގެ ދަށުން ކިޔަވައިދިނުމުގެ
މާޙައުލުގައި އަޅުގަނޑުމެންނަށް ތަފާތު އެކު ގިނަގުނަ އުކުޅުތައް
ބޭނުންކުރެވިދާނެއެވެ. އެގޮތުން ކުދި އެކިއެކި ޓާސްކުތަކުންނާއި ކުދިންގެ
ޒިންމާއާއި ބައިވެރިވުން ހިމަނައިގެން ހުރިހާ ދަރިވަރުންނަށްވެސް ފުރުޞަތު
ލިބެވޭނެހެން މަޝްވަރާކުރެވޭ ޚިޔާލުތައް
ބެހޭނެ އެކުވެރި މާހައުލެއްގައި އުނގެނުމަށް މަގުފަހި ވެއްޓެއް
ޤާއިމުކޮށްދީގެން ކުދިން އުނގެނުމަށް ޝައުޤުވެރިކަން އުފެއްދިދާނެއެވެ. ކޮންމެ
މާއްދާތަކާއި ގުޅޭގޮތުންވެސް މިފަދަ ޙަރަކާތައް އަޅުގަނޑުމެންނަށް ހިންގިދާނެއެވެ.
މިސާލަކަށް ކުދިން ޝައުޤުވެރިވާ ފަދަ ޒަމާނީ އެކިއެކި
ވަޞީލަތްތައް މެދުވެރިކޮށްގެން ކުދިން ޝައުޤުވެރި ކުރުވިދާނެއެވެ.
No comments:
Post a Comment